Dastak pay mere haath kii khul jaao kisii din...

Dastak pay mere haath kii khul jaao kisii din,
Chehre pay mere zulf ko phailaao kisii din,
Kyaa roz garajte ho baras jaao kisii din,
Raazon kii tarah utro mere dil mein kisii shab,
Dastak pay mere haath kii khull jaao kisii din,
Pedon kii tarah husn kii baarish mein nahaa loon,
Baadal kii tarah jhoom kay ghar aao kisii din,
Khushbuu kii tarah guzro mere dil kii galii say,
Phuulon kii tarah mujh pay bikhar jaao kisii din,
Phir haath ko Khairaat mile band-e-qabaa kii,
Phir lutf-e-shab-e-vasl ko dohraao kisii din,
Guzrein jo mere ghar say tou ruk jaayein sitaare,
Iss tarah merii raat ko chamkaao kisii din,
Main apnii har ikk saans usii raat ko dey doon,
Sarr rakh kay mere siine pay so jaao kisii din,

mail compiled by,

jass_cancerian