Yaadon Ka Aik Jhonka Aaya Hum Say Milney Barson Baad - Hindi Shayari

Yaadon Ka Aik Jhonka Aaya Hum Say Milney Barson Baad
Pehley Itna Roye Nahin Thay Jitna Roye Barson Baad

Lamha Lamha Dil Ujrra Hai Muskil Say Ye Ehsaas Huwa
Pathar Aaye Barson Pehley Sheeshey Tootey Barson Baad

Bhool Jaoon Kis Ne Torra, Kaisey Torra, Kyun Torra
Dhoondh Rahey Ho Galiyon Mein Dil Ke Tukrrey Barson Baad

Dastak Ki Umeed Lagaye Kab Tak Aakhir Jeetey Hum
Kal Ka Waada Karney Waaley Milney Aaye Barson Baad

Yaadon Ka Aik Jhonka Aaya Hum Say Milney Barson Baad
Pehley Itna Roye Nahin Thay Jitna Roye Barson Baad …

Syed Bilal