Gham-e-Shikwa Haal Tak Na Aaya : Shayari

Gham-e-Shikwa Haal Tak Na Aaya
Iss Ka To Khayal Tak Na Aaya

Aankon Ki Mumlikat Thi Duniya
Sooraj Ko Zawal Tak Na Aaya

Toota Hoon Kuch Iss Tarah Achanak
Pehley Say Koi Bal Na Aaya

Mehfil Mein Chura Li Nazar Uss Ne
Hum Ko Ye Kamal Tak Na Aaya

Kuch Aisi Thakan Ki Neend Aai
Khwabon Ka Khayal Tak Na Aaya

Yoon Khatam Kiya Fasana Hum Ne
Lehjey Mein Malaal Tak Na Aaya….

Syed Bilal