Shayari

Hum zamaaney kay sataaye hain bohut,
Apnay seenay say lagaa lou hum ko,

Sub-haa hoti hai chhupaa lou hum ko,
Raat bhar chaahney vaalo hum ko,
Hum haqeeqat hain nazar aatey hain,
Daastaano mein chhupa lou hum ko,
Dil naa paa jaaye kahin shabb kaa raaz,
Sub-haa say pehlay uthaa lou hum ko,
Hum zamaaney kay sataaye hain bohut,
Apnay seenay say lagaa lou hum ko,
Waqt kay honth hamein chuu leingay,
Unkahey bol hain gaa lou hum ko,
Kall khareedaaron kay pehrey hongay,
Aaj kee raat churaa lou hum ko,

shabb.........night

mail compiled by,
jass_cancerian