Shayari 4 lovers

zaraa sii baat pe har rasm tor aayaa thaa
dil-e-tabaah ne bhii kyaa mizaaj paayaa thaa

muaaf kar naa sakii merii zindagii mujh ko
vo ek lamhaa ki maiin tujh se tang aayaa thaa

shaguftaa phuul simaT kar kalii bane jaise
kuchh is tarah se tuune badan churaayaa thaa

guzar gayaa hai ko_ii lamhaa-e-sharar kii tarah
abhii to main use pahachaan bhii na paayaa thaa

pataa nahiin ki mere baad un pe kyaa guzarii
main chand Khvaab zamaane mein chhor aayaa tha