Cham Cham karti ayi Diwali
Ghar ghar deepak jalte hain
Dwar dwar saji rangoli
rang anek man harte hain
uthti rasoi se sugandh manmohak
laddu barfi balusahi
kitne pakvan kitni mithai
phhuljhadi ki tadtad sang kilkariyan
fuwaron ke sang chakriyan pyariyan
wo dekho badmash hara bomb laya
kitne jor ka dhamaka machaya
milte logon se dete badhai
har mukh par khusi lehrayi
cham cham karti Lakshmi ayi
sang Sharda Ganesh bhi layi
Dardirata, agyan, vighna harenge
Archit ho hum par anugrah karenge
Unke liye deep jalao
Anandit ho ghar sajao
Ek meri thi pyari behena
Swarg mein hai, koi usko kehna
Lakshmi sang tum bhi ana
Ghar mein pag phir se dharna
Ankhon se surat hatti nahin
Pyari atkheliyan bisarti nahin
Kash tum sang humare hotin
Ankhen deepon mein na rotin
Ish use sambahle rakhna
Swarg ke sab prapya vastu usko dena.

Related Posts Plugin for WordPress, Blogger...