Hindi Poems and Shayari
Kahan ho tum..

Kahan ho tum ?
Saheliyo kahan ho tum jawaab do
Main sun rahi hoon duur se
Tumari gungunahteen
Faza main tairne lagi hain
Narm narm ahhtain
Main kis tara tumare sath
Nachun aur gaa sakon
Na tum mujhe bula sako
Na main tumain bula sakon
Tarap rahi hoon main yahann
Kabhi to muj se aaaaa milo
Saheliyo kahan ho tum jawaab do
Main jal rahi hoon
Aaj apne aansuon ki chaoun main
Dekhayi jo na de saken
Woh beriyaan hain paaoun main
Bujha bujha hay dil mera
Main kulfaton k bas main hoon
Sab hi chaman jesey kaheen
Main us haseen kafas main hoon
Main ghut k maar chali yahan
Tum aa k muj ko thaaaaam lo !!!!

Zara Thair Jaoo

Kareeb mout khari hay zara thair jao
Qaza se aankh lari hay zara thair jao
Thaki thaki si fazayen bohjal bohjal se tare
Bari udas ghari hay zara thair jao
Naheen umeed k hum aaj ki saher dekheen
Yeh raat hum pe kari hay zara thair jao
Abhi na jao k taroon ka dil dharakta hay
Tamaam raat pari hay zara thair jao
Damfraq main tumain je bhar kar dekh to lain
Yeh fasle ki ghari hay zara thair jao
Phir is k baad na hum tum ko rokain ge
Laboon pe saans ari hay zara thair jao…!

Saba Sayed

Related Posts Plugin for WordPress, Blogger...