Aaj ke Daur mein aye Dost ye manzar kyuun hai
Zakhm Har Sar pe har ek Haath mein Patthar kyuun hai

Jab Haqiiqat hai ke Har Zar’re mein tuu Rahataa hai
Phir zameen par kahin Masjid kahin Mandir kyuun hai

Apanaa Anjaam to Maaluum hai sab ko phir bhi
Apani Nazaron mein har Insaan Sikandar kyuun hai

Zindagii jeene ke Qhaabil hi nahin ab “Faakir”
Warnaa har Aankh mein Ashkon ka samandar kyuun hai

Poet : Sudarshan Faakir
Present by : Mohammed Javeed Ahsan

Related Posts Plugin for WordPress, Blogger...