Ek khwaab suhana toot gaya
ek jakhm abhi tak baaki hai
jo armaa the sab khaak huye
bus raakh abhi tak baaki hai

Jab udte the parwaze thi
suraj ko choone nikle the
sab pankh hamare jhulas gaye
par chaah abhi tak baaki hai

Parvat se akkhad rehte the
toofano se bhid jaate the
tinko k jaise bikhar gaye
par taav abhi tak baaki hai

Lehro se behte the hardam
deewane the matbaale the
din guzar gaye wo mastaane
par yaad abhi tak baaki hai

Regards
Ashutosh Sharma
S.E. Indore

Related Posts Plugin for WordPress, Blogger...