So gai hai dua hatheli par,
ik nazar ae khuda hatheli par,
woh bhi taqdeer se gurezan hai,
main bhi takta raha hatheli par,
de gaya umr bhar ke andhiyare,
aik bujhta diya hatheli par,
keh gaya kitni an kahi batain,
phool rakha hua hatheli par,
kho gaya mukhtalif lakeeron main,
jab bhi ansoo gira hatheli par,
zindai ke zaeef lamhon ko,
yun na sathi saja hatheli par,
daikh le khud bhi apni ankhon se,
apne rab ki ata hatheli par…

Spice Port

Related Posts Plugin for WordPress, Blogger...