Hindi Shayari : Teri Aahat Per...

Teri Aahat Per...

Zakhm Muskurate Hen Ab Bhi Teri Aahat Per
Dard Bhool Jate Hen Ab Bhi Teri Aahat Per

Shabnami Sitaroon Per Phool Khilne Lagte Hen
Chand Muskurate Hen Ab Bhi Teri Aahat Per

Umar Kat Di Lakin Bachpana Nai Jata
Hum Diye Jalate Hen Ab Bhi Teri Aahat Per

Teri Yaad Aaye To Neend Jati Rahti Hai
Hum Khushi Manate Hen Ab Bhi Teri Aahat Per

Ab Bhi Teri Aahat Per Chand Muskurata Hai
Khwab Gungunate Hen Ab Bhi Teri Aahat Per

Tere Hijr Me Hum Per Ik Aazab Taari hai
Chonk Chonk Jate Hen Ab Bhi Teri Aahat Per

Ab Bhi Teri Aahat Per Aass Lout Aati Hai
Ashq Hum Bahate Hen Ab Bhi Teri Aahat Per.

Hindi Shayari - Mera Khud Se Rabta Bhi Nahi

Mera Khud Se Rabta Bhi Nahi

Samny koi rasta bhi nahi
mera khud se rabta bhi nahi

yaad rakhna bhi ik azab hua
bhol jany ka hosla bhi nahi

ik din wo mujhe bulaye ga
kia yaqeen hai jo toot_ta bhi nahi

waswasey dil ko kion sataty hain
wo abhi to wo bewafa bhi nahi

lamha lamha tumhare naam kia
aur kuch mere paas tha bhi nahi

Romantic Shayari

Dil Ki Baat

kya hassen kwaab tha, mai tha
woh thi, aur gardihs me chand tha
hathon me hath the, aur waqt ka saath tha
hotho pe hoth the, umango ka saagar tha
kaha khogaya woh mera haseen khwaab?
hoga uske aankhon me, jo rahthi hai mere dil ke saath.

Mohhabat Mita Do!

ab tere bin is jawani ka kya haal hoga
haatho me jaam hoto pe tera naam hoga
ya khuda agar pyaar ka ye haal hoga
to teri is duniya ka kya hoga?
jalado ye duniya jalado ummedey
jalado ye logo ke dilo me mohabbat
na rahe deewana na rahe deewani
na ho ab kisi ke dilo ki neelami
aao us duniya me chale hum
na rahe jaha dil, na ho dil ka tutna aur gham.

Zindagi Ka Safar

woh la khada kardi mujhe zindagi ke us mod par
lautna jaha se to sirf khak bankar
mujhpe na rona O mere ghar walo
mere hal na dekh sakoge mujhe zinda pakar
woh kyon aayi meri duniya me mohabbat bankar
iske pehle mai khush tha zindagi ke safar par
hojaye kuch aisa khuda meherbaan hokar
aur leyaon use ghar mai dulhan banakar.

Shayari # Yeh Dil Ho Gaya Tumhara

Yeh Dil Ho Gaya Tumhara

Yeh Dil Ho Gaya Tumhara,
Har Yaad Mein Ho Tum,
Pukarta Hai Tumhe,
Kyun Nahi Laut Aate Ho Tum.
Saansein Hain Chalti,
Har Saans Mein Ho Tum,
Tanha Ki Tanhaai Hai Roti,
Phir Bhi Khaamosh Ho Tum...

Shayari # Dil kehta hai chal unse mil

Dil kehta hai chal unse mil

Dil kehta hai chal unse mil uthte hai kadam ruk jaate hai,
dil humko kabhi samjhata hai hum dil ko kabhi samjhate hai,
dil ke halat na tum samje naa hum samaj paate hain,
apne aap ko khud hi gehrai mein liye jaate hain,
Anjaam pata nahi kya hoga is haalat ka,
Lekin jab bhi Sochte hain Khud ulaj jaate hain........

Shayari # Ud gaya rang

Ud gaya rang

Ud gaya rang, khusboo hawa ho gayi,
Dekhiye zindagi kya se kya ho gayi,
Dil se rukhsat hui jab khushi yu laga,
Baap ke ghar se beti vida ho gayi,
Uski ankhon ne chalkaye ansoo mere,
Uski surat mera aaina ho gayi..

Hindi Shayari

Kabhi Kabhi mere dil mein khayal aata hai,

Ki zindagi teri zulfon ki narm chaon mein guzarne paati
to shaadab ho bhi sakti thi.

Magar yeh ho na saka, Magar yeh ho na saka,
aur ab yeh aalam hai,
ki tu nahin, tera gham, teri zustuzu bhi nahin.

Guzar rahi hai kuch iss tarah zingadi ki jaise,
Ise kisi ke sahare ki arzoo bhi nahin.

Na koi raah na, na koi manzil, na roshni ka soragh.
Bhatak rahi hai andheron mein zindagi meri,

Inhi andheron mein reh jaaunga khoker,
Main jaanta hoon meri hamnafaz, magar yunhi

Kabhi Kabhi mere dil mein khayal aata hai....

From:sonaxip

Aey Khuda Rait Ke Sehra Ko Samandar Ker Dey : Hindi Shayari

Aey Khuda Rait Ke Sehra Ko Samandar Ker Dey
Ye Chalakti Aankhon Ko Bhi Pathar Ker Dey

Tujh Ko Daikha Nahin Mehsoos Kiya Hai Mainey
Aa Kisi Din Mairey Ehsaas Ko Paiker Ker Dey

Aur Kuch Bhi Mujhey Darkaar Nahin Hai Lekin
Mairi Chaadar Mairey Pairon Ke Baraabar Ker Dey…

Syed Bilal

Ao Ik Khel Kheltay Hain ~~ An Amazing Hindi Poem

Suno ..!

Aao ik khel kheltey hein ..
khel mohabbat ka jis main tum mujhey chaho aur main tumhein chahon ..!
Aur kuch nahi bas khel ho ga ..!
Tum ghabrana nahi ..!
Tum Darna nahi ..!
K is khel main bhi main tumharey saath rahon ga ..!
Zayada nahi toh kuch Daer to sahi ..!
Par Khel ho ga ..!
Tum Ghabrana nahi ..!
Main pyar se tumharey pass aoon ga .!
Tum se izhar-e-mohabbat keron ga ..!
Ik phool doon ga tum ko, kaan main kuch keh jaon ga ..!
Phir intazar keron ga tumhara main ..!
Tum kya socho gi kya kaho gi ..!
Be chaen rahon ga sochta rahon ga main ..!
Tum thora sa itra jana ..!
Thori si shararat thora sa bahana banana ..!
Mere izhar ko be shak seeney se lagana ..!
Par thora sa itra jana ..!
Tum na kehna kuch daer talak ke tum bhi chahti ho mujhe..!
Kuch daer talak tum mujh ko thora sa tarpana ..!
Phir main jab uth ker janey lagoon ..!
Toh roak lena mujh ko ..!
Haath thamna mera ..!
Tum bhi keh dena ..!
Keh dena key tum ko mujh se mohabbat hai ..!
Main sunon ga .. !
Itemenan se bade Maan se.!
Par toofan ho ga ik uchalta hua mann main tumhain bahon main bharney ka ..!
Pass apney bithaney ka ..!
Phir yun ho ga ke ham tum dono kisi Darakht ke Taney sa'ey Taek lagaye ..!
Khawahison key kuch Diye jalaye ..!
Aik dojey ko Tak'atey jain gai....!
Kuch keh na paein gey ..!
Yehi kerna hai bas is khel main ..!
Tum ghabrana nahi ..!
Tum darna nahi ..!
Key yeh faqat ik khel ho ga ..!
Khel ho ga aur bas ..!
K kismat ki lakeeron se shayad tujhey main pa nahi sakta ......!
toh yeh Khel hee sahi ..!
Zayda nahi toh kuch daer hee sahi ..!

Kab kaun kisi ka hota hai - Hindi Shayari

Ke Tujh Se Juda Hokar Bhi
Jeeney Ki Aadat Hogayee

Tum Laut Ke Aaogey Humse Milne
Roz Dil Ko Behlane Ki Aadat Hogaye

Tere Waade Pe Kiya Bharosa Humney
Shab-Bhar Tera Intezaar Karne Ki Aadat Hogaye

Khushi Main Bhi Hum Kya Muskarate Ke
Teri Judaai Mey Rone Ki Aadat Hogayee

Kaafile Nikal Gaye Humey Chhor Ke
Ab To Tanha Safar Ki Aadat Hogaye,

Har Morh Par Mili Ghum Ki Parchhaiyaan
Zindagi Se Samjhota Karney Ki Aadat Hogayee

Syed Bilal

Hindi Gazals...

Tuu agar chhod kay jaataa hai tou kyaa,
Haadsey tou roz huaa kartey hain,

Aankh jab bandd kiyaa kartey hain ,
Saamney aap huaa kartey hain
Aap jaisaa hii mujhey lagtaa hai ,
Khwaab mein jis say milaa kartey hain,
Tuu agar chhod kay jaataa hai tou kyaa,
Haadsey roz huaa kartey hain,
Naam un kaa na koyi un kaa pataa,
Loag jo dil mein rahaa kartey hain,
Hum ney rahi kaa chalan seekhaa hai,
Hum akeley hii chalaa kartey hain,

mail compiled by,
jass_cancerian

Galey Say Shab Ko Lagaaya Sahar Ke Dhokey Mein

Galey Say Shab Ko Lagaaya Sahar Ke Dhokey Mein
Hum Aa Gaye Hain Khud Apni Nazar Ke Dhokey Mein

Idher Hai Aag Ka Darya, Udhar Lahoo Ki Nadi
Kahan Pohanch Gaye Hum Rehbar Ke Dhokey Mein

Kabhi Chaley Thay Jahan Say, Ussi Maqam Par Hain
Thay Daairon Mein Rawaan, Hum Safar Ke Dhokey Mein

Faraib-e-Husn-e-Nazar Hai Ke Saadgi Dil Ki
Hameisha Sang Chuney Hain, Guhaar Ke Dhokey Mein

Abhi To Zulmat-e-Shab Ka Talism Baaqi Hai
Abhi Na Shama Bujhaao, Sahar Ke Dhokey Mein

Fizayein Ajnabi, Be-gaana Soortein 'Bilal'
Kahan Ye Aa Gaye Hum Apne Ghar Ke Dhokey Mein !

Syed Bilal

Hindi Poetry SMS

youn toh guzar raha hai har aik pal khushi k saath
phir bhi koi kami si hai kiun zindagi k saath

rishtey,wafaein dosti sab kuch toh pass hai
kiya baat hai pata nahi dil kiun udaas hai
har lamha hai haseen naye dilkashi k saath
phir bhi koi kami si hai kiun zindagi k saath

chahat bhi hai sakoon bhi hai dilbari bhi hai
aankhon mai khuwab bhi hai labon pai hasi bhi hai
dil ko nahi hai koi shikayet kisi k saath
phir bhi koi kami si hai kiun zindagi k saath

socha tha jaisa waisa hi jevan toh hai magar
ab aur kis talash mai bey chein hai nazar
qudrat ki toh meharbani hai darya-dili k saath
phir bhi koi kami si hai kiun zindagi k saath!!

Apne Haathon Se Kaheen Mera Naam Likh Dena.......EXCELLENT ONE !!!

assalamualaikum........guys this is my first ghazal for this group...plz comment on this...
title is "BAGHBAN"
here it goes.......

samandar ko apna razdan samjha tha main
muqaddar ko apne meharban samajha tha main,

chaand haatho mein hoga sitare qadmon mein
bas yahi mohabbat ka anjaam samjha tha main,

mohabbat mein fatah kar jaunga is jahan ko bhi
ah! zamane ko kitna nadaan samjha tha main,

wo kehte hain, na ab koi rishta rakh mujhse
jinki aashnai ko na-tamaam samajha tha main,

kaise bhool jaun us nigah-e-naaz ko
jiski be-adabi ko bhi salaam samjha tha main,

usi ne kiya hai bhari bazm mein ruswa mujhe
jisko apni haqikat ka nigahban samjha tha main,

tu na raund meri ulfat ke phoolon ko Rashid
tujhko to is gulistan ka BAGHBAN samjha tha main..


From:haroon rashid

उन ही .... Hindi Shayari

Aansoo May Na Dhoondna Humey
Aansoo May Na Dhoondna Humey,
Dil May Hum Bas Jaayenge,
Tamanna Ho Agar Milne Ki,
To Band Aankhon May Nazar Aayenge.
Lamha Lamha Waqt Guzer Jaayenga,
Chund Lamhoo May Daaman Choot Jaayega,
Aaj Waqt Hai Do Baatein Kar Lo Humse,
Kal Kya Pata Kon Apke Zindagi May Aa Jayega.
Paas Aakar Sabhi Door Chale Jaate Hai,
Hum Akele The Akele Hi Reh Jaate Hai,
Dil Ka Dard Kisse Dikhaaye,
Marham Lagane Wale Hi Zakhm De Jaate Hai,
Waqt To Humey Bhula Chuka Hai,
Muqaddar Bhi Na Bhula De,
Dosti Dil Se hum Isiliye Nahin Karte,
Kyunke Darte Hai,Koi Phir Se Na Rula De,
Zindagi May Hamesha Naye Log Milenge,
Kahin Ziyada To Kahin Kam Milenge,
Aitbaar Zara Soch Kar Karna,
Mumkin Nahi Har Jagah Tumhe Hum Milenge.
Khushbo Ki Tarah Aapke Paas Bikhar Jayenge,
Sukon Ban kar Dil Me Utar Jayenge,
Mehsoos Karne Ki Koshish To Kijiye,
Door Hote Hoye Bhi Pass Nazer Aayenge

Meri Yaad

Meri Yaad tujj ko Sitati ho gi
Teray Dil may Toofan utathi ho gi
Mera naam likh likh kar dewaar-o-par
Tu Gairoo kay Darr say Mitathi ho gii
Zubaan pay mera zikar anay say pehlay
Zara Soch kar Muskurati ho gii
Tu phir Soozay may meri Daastan ko
Kabhi Zer-e-lab gungunhati ho gii…
Meray Saath ju tu nay Lamhay guzaray
Wu her ek sukhi ko batati ho gii…
Tassawar may a kar meray bazaoo may
Buhat piyar say lamhati ho gi…
Teray Chat`kiya eiskh layta ho ga
Juwani tujhey gud`gudati ho gi..
Kaddam dag`magatay tu hoon gaye amooman
Yakeenan Zabaan larkarati ho gi..
Kabhi teray armaan jachtay hoon gaye
Teri Zaat mujko bulathi tu ho gii..
Ju ki tu nay meri Wafa kay badlay
Wu mehrak jaffa yaad aathi tu ho gi…
Bigarthi tu ho gi lim-e-jooliyo say
Kiyaloo may mujh ko manathi tu ho gi..
Tu karab musalsal ki haalat may apnay
Aisay labho ko chubati tu hoo ghii…
Meray dard-o-farqat may betaab sood
Tu ashkoo kay mooti lutathi tu ho ghi…
Mulaqat ki rah masroor paa kar
Yunhi din raat sat`patathi ho ghii..
Ay taaj Dil yaad may Shama ulfat
Ju jalthi may tamtathi ho ghiii…
Chaman kay rang-o-yu nay iss qadar dokay diye mujhko
Kay hain zook gull tu sahi may kaanto pay zuban rakh dhi to ho gi

From :۞ShahiD۞

Mujhe Khonay Se Darti Thi

Mujhe Khonay Se Darti Thi

Meri Aankhon Pe Marti Thi
Meri Baton Pe Hansti Thi
Na Janay Woh kaisi lerki Thi
Mujhe Khonay Se Darti Thi

Mujhay Jab Bhi Woh Milti Thi
Yahi Har Baar Kehti Thi
Suno!!
Agar Main Bhool Jaoon To
Agar Main Rooth Jaoon To

Kabhi Wapis Na Aoon To
Bhula Pao Gay Yeh Sab Kuch?
Younhi Hanstay Raho Gay Kya?
Younhi Sajtay Raho Gay Kya?

Yahi Batain Hain Bas Uski
Yahi Yaadain Hain Bas Uski
Yahi Chahat Hai Bas Uski
Mujhy Bas Yaad Hai Itna!!!

Mujhay Woh Pyar Karti Thi
Mujhay Khonay Se Darti Thi...!!!

Tumhe dekha tou jaana,jalwa kya hai aur khuda kya hai

Tumhe dekha tou jaana,jalwa kya hai aur khuda kya hai,

Tumhaari ankhon mein dekh kar jaana hya kya hai,
Huee jab dosti tum say tou hum samjhey waffa kya hai,
Zamaney bhar say sunder ho zamaney bhar say achhi ho,
Tumhe achha kahoon jo main, bhala iss mein bura kya hai,
Sunaa thaa ikk khuda hai per na aaya voh nazar ham ko,
Tumhe dekha tou jaana,jalwa kya hai aur khuda kya hai,
Jo roothey tum tou hum samjhey kay hum say zindagi roothi,
Manaya tum ko tou jaana hum ney ,mananey mein maza kya hai,

mail compiled by,
jass_cancerian

Tumhain Mohabbat Nahi Kisi Sey

Tumhain Muhabat Nahi Kisi Se

Gaye Dinoon Ki Rafaqtoon Main Be
Tum Yeh Keh K Bicher Gaye They
“Mujhe Muhabat Nahi Kisi Se”

Jo Aj Berson K Baad Phir Mily Ho
To Phir Usi Sukhan Per Aray Ho
“Mujhe Muhabat Nahi Kisi Se”

Humain Yeh Kase Yaqeen Aye
Tumhain Muhabat Nahi Kisi Se

Kaha Jo Tum Ne Wo Sab Sahi Hai
Ager Muhabat Nahi Kisi Se
To Ser Per Guzerny Wali
En Qayamtoon Se Pyaar Kion?

Humain Wo Yaad Hain Jo Kuch Pal
Tumahri Sangat Myn They Guzare
Tumahre Pahlu Ki Lazatoon Mian
Nishaat Bhi Hai Fasurdgi Bhi
Hayat Bhi Hai Sapurdgi Bhi

Tumhare Hontoon Mian Russ Buht Hai
Kah Jiss Ka Qatra Bhi Bas Buht Hai

Tumhari Ankhon K Jamm Pii Loon
Jo Ho Saky To Her Shaam Pi Loon

Per Humare Dil Mian Wo Jo Tum Ho
Tumhare Dil Main Wo Hum Nahi Hain

Tum Apni Termeem E Zaat Ker Lo
Gumaan K Asmaan Se Uttro
Zameen Pe A Ker Baat Ker Lo
Hum Se Nahi To Choro
Chalo Kisi Se Hi Pyaar Ker Lo
Chalo Kisi Se Hi Pyaar Ker Lo

Tumhain Muhabat Nahi Kisi Se
Tumhain Muhabat Nahi Kisi Se

Fahim Memon fahim_genius@hotmail.com, 0300-2005752, 0322-2005752

Mera Kuch Saaman

Mera kuch saaman tumhre paas para hai
Sawan ke kuch bheege bheege din rakhe hain
Aur mere ik khat mei lipti raat pari hai
Wo raat bujha do
Mera wo saaman lota do

Pat jhur hai kuch hai naa?
Pat jhur mein kuch patton ke girne ki aahat
Kaano mein ik baar pehan ke lotai thi
Pat jhur ki wo shaakh abhi tak kaanp rahi hai
Wo shaakh gira do
Mera wo saaman lota do

Aik akeli chatri mein jub aadhe aadhe bheeg rahe the
Aadhe sookhe aadhe geele
Sookha tu main le aai thi
Geela mann shayad bistar ke paas para ho
Wo bhijwa do
Mera wo saaman lota do

Aik so sola (116) chand ki raatein aik tumhare kaandhe kateen
Geeli mehndi ki khushboo jhoot moot ke shikwe kuch
Jhoot moot ke waade bhi sab yaad karwa do
Sub bhijwa do
Mera wo saaman lota do

Aik ijazzat de do bus jub isko dafnaoon gi
Main bhi waheen so jaoon gi.

(¨`·.·´¨) Always
`·.¸(¨`·.·´¨) Keep Loving &
(¨`·.·´¨)¸.·´ Keep Smiling !
`·.¸.·´ ------Usman Khalid

Rishte

Haath choote bhi tu rishte nahi chora kerte
Waqt ki shaakh se lamhe nahi tora kerta

Jis ki awaz mein silwat ho, Nigahon mein shikan
Aisi tasweer ke tukre nahi jora kerte

Lag ke saahil se jo behta hai ise behne do
Aise darya ka kabhi rukh nahi mora kerte

Jagne per bhi nahi aankh se girti kirchein
Is tarah khwabon se aankhein nahi phora kerte

Shehad jeene ka mila kerta hai thora thora
Jane walon keliye dil nahi thora kerte

Jamma hum hote hain, Taqseem bhi ho jate hain
Hum tu tafreeq ke hindse nahi jora kerte

Ja ke kuhsaar se sir maro ke awaz tu ho
Khasta deewaron se maatha nahi phora kerte

(¨`·.·´¨) Always
`·.¸(¨`·.·´¨) Keep Loving &
(¨`·.·´¨)¸.·´ Keep Smiling !
`·.¸.·´ ------Usman Khalid

Aadat

Saans lena bhi kaisi aadat hai
Jiye jana bhi kya rawayat hai
Koi aahat nahi badan mein kahin
Koi saya nahi hai aankhon mein
Paaon be his hain chalte jaate hain
Ik safar hai jo behta rehta hai
Kitne barson se kitni sadiyon se
Saans lete hain jeete rehte hain

AADATEIN BHI AJEEB HOTI HAIN!

(¨`·.·´¨) Always
`·.¸(¨`·.·´¨) Keep Loving &
(¨`·.·´¨)¸.·´ Keep Smiling !
`·.¸.·´ ------Usman Khalid

Bass aik shakhs ko maangaa mujhay vohi na milaa...

Bass aik shakhs ko maangaa mujhay vohi na milaa,

Mohabbaton mein dikhaave kee dosti na milaa,
Agar galey nhi milta tou haath bhi na milaa,
Gharon pay naam thay,namo kay saath ohday thay,
Bohut talaash kiya koi aadmi na milaa,
Tamaam rishton ko main ghar pay chhod aayaa thaa,
Phir uss kay baad mujhay koi ajnabi na milaa,
Khuda kee itni badi kaayenaat mein mainay,
Bass aik shakhs ko maangaa mujhay vohi na milaa,
Bohut ajeeb hai yeh qurbaton kee duuri bhi,
Voh merey saath raha aur mujhay kabhi na milaa,

mail compiled by
jass_cancerian

Ek vichaar!

sochti huin raat din yeh
likhduin kyon na kagaj pey
agar kal ka bhee aaj ho jaaye
agar suraj nikle aur na chuup paaye
agar aandhi kabhi na ruk paaye
toh yeh zindagi shayad zindagi
na reh jaaye

es niyati kei hum deewane hain
yuinhi chupchaap jale jaate hain
kayamat hogi agar jab bhee
shayad tamasha hum bhee dekh paaye
kaun milta hai kise, kaun kiska hai
bekaar kei aihsaas sei vishwas uth jaaye

ruhi

Hum kaise bataye

hum kaise bataye ham kaise jiye ja rahe hai
har ek muskurahat me gam ko piye ja rahe hai
kehne se kahan kuchh hasil huya hai
hum kya bataye ke ham apane zakhamo ko
kis tarah siye ja rahe hai
kabhi to wafa karke bhi dekho na
hum kambakhat bewafai ka subut diye ja rahe hai
hum kaise bataye hum kaise jiye ja rahe hai

Bahut udaas hoon main

mere kareeb aao bahut udaas hoon main
bus aaj toot ke chhao bahut udaas hoon main
kisi bhi jhoote dilasey se dil ko behlaao
koi kahani nayi sunaao bahut udaas hoon main
andheri raat hai kuchh nazar nahi aa raha
sitare todd kar laao bahut udaas hoon main
suna hai prem nagar mein khushi bhi milti hai
mujhe yaqeen dilaao bahut udaas hoon main
yeh shaam yoonhi guzar jaayegi dabe paaon
wafa ke geet gaao bahut udaas hoon main

Guzarish nahi ki jati...

mohabbat mein aazmaaish nahi ki jati
ise nibhane ki farmaaish nahi ki jati
pyar mein aate hai kadam kadam sakht muqaam
dil ke zakhmon ki tou numaaish nahi ki jati
hizr mein jo milne lage wasal ka lutff
tou fir milne ki khwaaish nahi ki jati
agar na milna hi ho waqt ka takaza
tou fir milne ki laghish nahi ki jati
khush naseebi se jo mil baithe do dil
tou zamane mein uski zaibaeish nahi ki jati
jin ko ho milna aur woh mil na paayein
dil se kabhi bhi woh hasrat-o-yaas nahi jati
pyar tou hai muqaddaron ka khel
jo na mil sake pyar tou guzarish nahi ki jati

Yaar

katt rahi hai aajkal kuch aisi dushvari ke saath
yaar bhi milte hain ab to ajab aayyaari ke saath
jhooth kya hai aur sach kya hai tay nahi kar paaye hum
umr saari kat gayi ghaflat ki bimari ke saath
mujhko seene se laga jo meri jeb kaat li usne
jab mila vo shaks to aisi hi dildaari ke saath
ek ghar ki aag thi aur saari basti jal gayi
main mana karta raha mat khel chingaari ke saath
jang haari hai to haari, honsle jaanbaaz hain
fir palat kar aayenge hum poori tayyari ke saath